काठमाडौँ । नेपालमा थप ५ सय ११ जनामा कोरोनाभाइरस संक्रमण पुष्टि भएको छ । स्वास्थ्य मन्त्रालयका अनुसार पछिल्लो २४ घण्टामा ५ हजार ११० नमुना परिक्षण गरिएकोमा ५११ मा संक्रमण पुष्टि भएको हो ।
योसँगै नेपालमा कोरोना संक्रमितको कुल संख्या २ लाख ६० हजार ५९ पुगेको छ । बुधबार काठमाडौँ उपत्यकामा मात्रै ३ सय १२ जना संक्रमित भेटिएका छन् । जसमा काठमाडौँमा २२५ जना, भक्तपुरमा ३८ जना र ललितपुरमा ४९ जना रहेका छन् ।
चौबिस घण्टामा ७ जनाको कोरोना संक्रमणको कारण मृत्यु भएको छ । हालसम्म मृत्यु हुनेको संख्या १८४७ पुगेको छ ।
त्यस्तै चौबिस घण्टामा ६ सय जना डिस्चार्ज भएका छन् । डिस्चार्ज हुनेको कुल संख्या २ लाख ५१ हजार ९१२ पुगेको छ ।
सरकारले हालसम्म १९ लाख २६ हजार ४७७ नमुना परिक्षण गरेको छ । जसमध्य ६ हजार ३ सय सक्रिय संक्रमित रहेका छन् । स्वास्थ्य मन्त्रालयका अनुसार ३ हजार ४ सय ७७ जना संस्थागत आइसोलेशनमा रहेका छन् भने ३६२ जना क्वारेन्टिनमा रहेका छन् ।
