काठमाडौँ । सुदूरपश्चिम प्रदेशका आर्थिक मामिला तथा योजनामन्त्री झपडबहादुर बोहोराले पदबाट राजीनामा दिएका छन् । बुधबार पत्रकार सम्मेलन गरि मन्त्री बोहोराले पदबाट राजीनामा गरेका हुन् ।
नेकपा दुई भागमा विभाजन भएपछि त्यसको चरम प्रभाव प्रदेशमा देखिएको छ । सुदूरपश्चिम प्रदेशमा नेकपाको प्रचण्ड–माधव समूहका मुख्यमन्त्री रहेका छन् । मुख्यमन्त्री त्रिलोचन भट्टले यसअघि नै प्रदेशका भौतिक पुर्वाधार मन्त्री पठानसिंह बोहरालाई बर्खास्त गरेका थिए ।
राजीनामा दिने मन्त्री झपडबहादुर बोहोरा पनि ओली निकटका नेता हुन् । उनी ओली समूहले बनाएको ११९९ सदस्यीय केन्द्रीय कमिटीको सदस्य समेत हुन् ।
५३ सदस्यीय प्रदेशसभामा नेकपाका ३९ सांसद थिए । उनीहरुमध्ये ७ जना ओली समूहमा छन् भने अरु प्रचण्ड–माधव समूहमा छन् ।
