काठमाडौँ । पूर्वप्रधानमन्त्री तथा जनता समाजवादी पार्टीका संघीय परिषद्का अध्यक्ष डा. बाबुराम भट्टराईले ओली प्रवृत्तीको विश्वास नगर्न आग्रह गरेका छन् । शुक्रबार सामाजिक संजालमार्फत डा. भट्टराईले प्रधानमन्त्री ओलीलाई जर्मनीका तात्कालीन शासक हिटलरसँग तुलना गर्दै इतिहास नबिर्सनका लागि आग्रह गरेका छन् ।
ओली तथा उनि पक्षका नेताहरुले प्रचण्ड–माधव समूहसँग पुनः पार्टी एकता हुनसक्ने तर त्यसका लागि प्रचण्ड र माधव समूहका नेताहरुले गल्ती स्वीकार गनुपर्ने, आत्माआलोचना गर्नुपर्ने अभिव्यक्ति दिँदै आइरहेको बेला डा. भट्टराईले भने यसकिसिमको अभिव्यक्तिलाई रुञ्चेपिञ्चे, ढुलमुले र पिलन्धरेको संज्ञा दिएका हुन् ।
‘ओलीले गल्ती स्वीकार गरेमा, आत्माआलोचना गरेमा , कान समातेमा..पार्टी एकता हुनसक्छ, संगै भातभान्सा हुनसक्छ जस्ता रुञ्चेपिञ्चे कुरा गरेर ओली प्रतिगमन सच्याउन सकिन्न है’ उनले लेखेका छन् । डा. भट्टराईले प्रचण्ड–माधव समूहलाई इतिहास नदोहो¥याउन समेत सचेत गराएका छन् । उनले लेखेका छन्, ‘हिटलरको उदय र जर्मनीको सर्वनाशमा यस्तै ढुलमुले पिलन्धरे प्रवृत्तीको ठुलो भूमिका थियो भन्ने नबिर्सौँ, इतिहास नदोहोरिओस् !’
ओलीले गल्ती स्वीकार गरेमा,आत्मालोचना गरेमा,कान समातेमा ..पार्टी एकता हुनसक्छ,संगै भातभान्सा हुनसक्छ जस्ता रून्चेपिन्चे कुरा गरेर ओली प्रतिगमन सच्याउन सकिन्न है!हिट्लरको उदय र जर्मनीको सर्वनाशमा यस्तै ढुलमुले पिलन्धरे प्रवृत्तिको ठुलो भूमिका थियो भन्ने नबिर्सौं! इतिहास नदोहोरिओस्!
— Baburam Bhattarai (@brb1954) January 8, 2021
