काठमाडौँ । नेपाल कम्युनिस्ट पार्टी(नेकपा)का प्रचण्ड–माधव समूहका अध्यक्ष पुष्पकमल दाहाल प्रचण्ड शनिबार साँझ काठमाडौँ फर्कने भएका छन् । पत्नी सीता दाहालको उपचारका लागि पाँच दिन अघि भारत गएका दाहाल एक्लै काठमाडौँ फर्किन लागेका हुन् ।
पत्नी सीता दाहालको उपचार प्रकृया जारी रहेको कारण प्रचण्ड एक्लै काठमाडौँ फर्कन लागेका हुन् । उनकी पत्नी अस्वस्थ भएपछि अध्यक्ष दाहाल छोरीहरु सहित सीतालाई लिएर गत पुस २० गते मुम्बई पुगेका थिए ।
सीताको उपचार मुम्बईस्थित न्युरोजेन ब्रेन एण्ड स्पाइन इन्सटिच्युटमा भइरहेको छ ।
भारत लैजानुअगाडी सीताको उपचार मेडिसिटी अस्पतालमा गरिएको थियो ।
छोरा प्रकाश दाहालको देहान्तपछि पार्किन्सन जस्तो रोगबाट पीडित प्रचण्ड पत्नी सितालाई यसअघि अमेरिका र सिंगापुर समेत लगिएको थियो । तर, त्यहाँको उपचारले समेत उनी पूर्ण ठीक हुन सकेकी छैनन् ।
