काठमाडौं, ८ भदौ । समाज लघुवित्तको साधार सेयर आइपिओमा लगानीकर्ताको सर्वाधिक चाप देखिएको छ । बिहीबारदेखि बिक्रीमा ल्याएको आइपिओमा आइतबार साँझसम्ममा १ सय २७ गुणाभन्दा धेरै माग आवेदन परेको बिक्री प्रबन्धक सिद्धार्थ क्यापिटलले जनाएको छ ।
क्यापिटलकाअनुसार आइतबार पाँच बजेसम्ममा ४ लाख ८५ हजार ४८३ वटा आवेदनबाट १ करोड ३ लाख ८ हजार ४५० कित्ता शेयर खरिदको लागि आवेदन परेको हो ।
प्रति कित्ता १ सय रुपैयाँ अंकित दरमा ८६ हजार कित्ता साधारण शेयर निष्कासनका लागि बिहीबारदेखि आवदेन माग भएको थियो । जसमा १ हजार कित्ता अर्थात जारी पूँजीको ५ प्रतिशत सेयर कर्मचारीहरुका लागि र कुल निष्कासनको ५ प्रतिशत अर्थात ४ हजार ३ सय कित्ता शेयर सामूहिक लगानी कोषका लागि छुट्याएको छ। सर्वसाधारणका लागि बाँकी ८० हजार ७ सय कित्तामा आवेदन दिएका हुन् ।
न्यूनतम १० कित्तादेखि अधिकतममा ५ हजार कित्तासम्मका लागि आवेदन माग गरिएको छ । निष्काशन बन्द छिटोमा आज अर्थात् भदौ ८ गते हुनेछ।
आइपिओका लागि नेपाल धितोपत्र बोर्डबाट सिआस्बा अनुमति प्राप्त बैंक तथा वित्तीय संस्था, तिनका शाखा कार्यालयबाट आवेदन दिन सक्नेछन् । मेरो सेयर सफ्टवेयरमार्फत पनि आवेदन दिन सकिने छ।
