काठमाडौँ । नेपालले कोरोना भाइरसविरुद्ध भारतीय कम्पनीले उत्पादन गरेको खोपलाई आपतकालीन प्रयोगका लागि अनुमति दिएको छ । औषधी व्यवस्था विभागको शुक्रबार बसेको बैठकले भारतीय कम्पनी सेरम इन्स्टिच्यूट अफ इण्डियाले उत्पादन गरेको खोपलाई आपतकालिन प्रयोगका लागि सशर्त अनुमति दिएको हो ।
विश्वकै ठूलो औषधी तथा खोप उत्पादक भारतीय कम्पनी सेरम इन्स्टिच्युटले अक्सफोर्ड विश्वविद्यालय र अस्ट्राजेन्काले विकास गरेको खोप भारतमा उत्पादन गरिरहेको छ।
भारतमा भोलिदेखि यो खोप आममानिसलाई लगाउन थालिनेछ। नेपालमा कोरोना भाइरसविरुद्धको खोप प्रयोग गर्न अनुमति दिइएको यो पहिलो खोप हो।
विभागले दुई दिन अघि आपतकालीलन अनुमतिको लागि प्रयोग गरिने खोप दर्ता आहृवान गरेको थियो ।
अनुमतीसँगै सरकारले नीजि क्षेत्रलाई पनि खोप आयात गर्न अनुमति दिएको छ । कोभ्याक्सअन्तर्गतको खोप आउन ढिला भएको अवस्थामा सरकारले सोही कम्पनीबाट खोप ल्याउने तयारी समेत थालेको छ ।
