काठमाडौँ । नेपालमा पछिल्लो २४ घण्टामा थप २७० जना कोरोना संक्रमित थपिएका छन् । स्वास्थ्य मन्त्रालयका अनुसार शुक्रबार ३ हजार ८४ को नमुना परिक्षण गर्दा १८० पुरुष र ८० जना महिलामा कोरोना संक्रमण पुष्टि भएको हो ।
योसंगै नेपालमा कोरोना संक्रमितको कुल संख्या २ लाख ६६ हजार ८८१ पुगेको छ । मन्त्रालयका अनुसार शुक्रबार नै ३९० जना कोरोना संक्रमित निको भएका छन् । निको हुनेको हुल संख्या २ लाख ६० हजार ५६७ पुगेको छ ।
यसैगरि शुक्रबार कोरोना संक्रमणको कारण ५ जनाले ज्यान गुमाएका छन् । हालसम्म कोरोनाको कारण मृत्यु हुनेको कुल संख्या १ हजार ९४८ पुगेको छ ।
सरकारले हालसम्म २० लाख ५ हजार १२५ नमुना परिक्षण गरेको छ । जसमा सक्रिय संक्रमितको संख्या ४ हजार ३०१ रहेको छ । मन्त्रालयले ३१३ जना क्वारेन्टिनमा रहेको जानकारी दिएको छ ।
