काठमाडौँ । वीरगञ्जको छपकैयामा एक बालिका बलात्कृत भएकी छिन् । कोठा खोज्न आएका उनका बाबुका साथि भनिने भारतीय नागरिकबाट ११ बर्षीया बलात्कृत भएकी हुन् ।
बलात्कारमा संलग्न रहेको आरोपमा प्रहरीले भारतीय नागरिक नेहाल मियाँलाई पक्राउ गरेको छ । कोठा खोज्न आएका उनी साथीको घरमा पाहुना भएर बसेका थिए । सोही क्रममा शनिबार बिहान बालिकालाई जर्बजस्ती करणी गरेको प्रहरीको भनाइ छ ।
करणीको क्रममा बालिका चिच्याएपछि बालिकाका बाबुले थाहा पाएका थिए । लगत्तै फरार रहेका मियाँलाई प्रहरीले आइतबार पक्राउ गरेको हो ।
मियाँविरुद्ध आइतबार पर्सा जिल्ला अदालतमा जर्बजस्ती करणी मुद्दामा म्याद थप गर्ने तयारी प्रहरीले गरिरहेको छ ।
