काठमाडौँ । नेपाल प्रहरीका ११ जना प्रहरी वरिष्ठ उपरिक्षक (एसएसपी)को पदस्थापन गरेको छ । गृह मन्त्रालयले गत शुक्रबार गरेको निर्णय अनुसार हालै प्रहरी उपरिक्षकबाट बढुवा भएका ११ जना एसएसपीहरुको पदस्थापन गरेको हो ।
प्रहरी प्रधान कार्यलयका अनुसार एसएसपीहरु कृष्णकुमार महत, गोविन्दकुमार साह, उमाशंकर पन्जियार, अर्जुन चन्द ठकुरी, जनकराज पाण्डे, सुरेन्द्रप्रसाद मैनाली, कृष्णहरि शर्मा पोखरेल, चक्रबहादुर सिंह, दिल्लीराज पन्त, मधुसुदन लुईटेल र मोहनप्रसाद पोख्रेलको पदस्थापन गरिएको हो ।
मन्त्रालयको निर्णयअनुसार ७ जना एसएसपीहरुको सरुवा समेत गरिएको छ । राष्ट्रिय प्रहरी प्रशिक्षण प्रतिष्ठान महाराजगन्जमा रहेका रविन्द्र केसीको प्रहरी प्रधान कार्यालय अपराध अनुसन्धान विद्यालय, महाराजगन्जमा सरूवा भएको छ।
नक्सालको अनुसन्धान विभाग अपराध अनुसन्धान महाशाखाकी दुर्गा सिंहको मानव बेचबिखन अनुसन्धान ब्युरो, महानगरीय प्रहरी कार्यालय प्रशासन महाशाखा, रानीपोखरीका प्रदिपकुमार श्रेष्ठको अन्तराष्ट्रिय प्रहरीसमन्वय महाशाखामा सरूवा भएको छ।
कसको पदस्थापन कहाँ ? सूची हेर्नुहोस्
